प्रवास आपला कधी नं जावा संपून...✨🏔️

-

विरान पडलेल्या वाळवंटी प्रदेशात
बर्फ अचानक पडावा
इगलू मात्र आपला सुका सुका असावा
त्यात बॅगेतून आणलेला कांदा मिरची टोमॅटो सारं काढून
दोन चार पाईनची फाटी आणून आग लावावी
दगडाने दगडावर रगडून
तुझ्या माझ्या थरथरत्या हाताला मग आगीची उब
त्या आगीवर भगूणं छोटंसं ठेवून
करावे पदार्थ आपण हवे नको आपल्याला
दोघांनी मिळून भूक मिटवावी
घासावर घास छोटे ठेऊन
पसरावी पश्मिना चादर तलम
झोपावं दोघांनी कुशीत कुशी घालून
स्पर्शावर स्पर्श करावा हट्टी बनून
झोपेत जागेपणीची स्वप्न पुरी करावी मग
पाहिलेली स्वप्न पूर्णत्वास न्यावी मग
स्वप्नात स्वप्न बनून राहावं
डोळ्यांवर डोळे ठेवावे काजळाने मिटून
सकाळ व्हावी चेहऱ्यासमोर एकमेकांच्या
चेहरे नवीन वाटावे एकमेकांचे
इगलू मधून बाहेर येऊन पुन्हा वाट शोधावी
पायावर पाय ठेऊन चालावी दोघांनी 
प्रवास आपला कधी नं जावा संपून...

अजिंक्य रोकडे

Comments

  1. AnonymousDecember 8, 2023 at 8:27 PM

    💯

    ReplyDelete
  2. Bharat NilakhDecember 9, 2023 at 2:07 AM

    छान आहे 🌼

    ReplyDelete
    Replies
    1. AnonymousDecember 10, 2023 at 10:04 AM

      तुझी कंमेंट पाहून छान वाटलं 🌼

      Delete

Post a Comment

Popular posts from this blog

महत्वाच काहीतरी

-
Image
यात काहीही शंका नाही कि शिक्षण माणसाच्या आयुष्यात फार महत्त्वाचं आहे. त्यामुळेच आपल्या संविधानात मोफत व सक्तीच्या शिक्षणाची तरतूद कलम २१(A) अंतर्गत करण्यात आली आहे. तर अस आहे कि ७०% लोकसंख्या, जर खाजगीकरणा झाले तर हा खर्च उचलू शकणार नाहीत . गरीब व कष्टकरी मूले जर काही प्रमाणात शिक्षण घेत असतील तर मोफत शिक्षणाच्या धोरणामुळे, मूलभूत हक्काच्या मूलभूतपणाचा गाभा प्रतिष्ठा राखणे हा आहे, जर शिक्षणाचे खाजगीकरण झाले तर एक ठराविक वर्गच त्याचा लाभ घेऊ शकतो आणि इतरांकडे पूर्णपणे दुर्लक्ष होईल. शिक्षणाकडे जर व्यवसाय म्हणून पाहिलं गेलं तर शिक्षण आणि ज्ञान देणे हे मुद्दे दुय्यम होऊन फक्त आर्थिक प्राप्तीकडे कल वाढेल. मागच्या वर्षी १ ते २० पटसंख्या असणाऱ्या शाळा बंद करण्याची तयारी प्रशासनाने दाखवली होती तेव्हा मी लेख लिहलेला होता आणि आता देखील 'समूह शाळा' धोरण राबवण्याचा हट्ट प्रशासनाने केला आहे, या धोरणाला सगळीकडून विरोध चालू असताना देखील हा सर्वे व धोरण पुढे रेटले जात आहे. गावपाड्यात शाळा जवळ आहे म्हणून येणारी कितीतरी मुलं आहेत किंवा पोषण आहार मिळतो म्हणून येणारी मुलं आहेत आणि ही
Read more

तुझ्या दोन्ही त्या उरोजांनच्या मधोमध 🌼

-
Image
तुझ्या दोन्ही त्या उरोजांनच्या मधोमध रेलून पडल्या आहेत कथा कविता माझ्या त्यावरील तिळावर लिहला आहे सस्पेन्स मोठा काखेतल्या अस्थाव्यस्थ दशेवर खुश असलेली पटकथा खुलून दिसेल सारं जग नैतिकतेच्या कचाकडी दुनियेत सौंदर्य पण कसं सापेक्ष असतंय तू दिलेल्या जखडून ठेवलेल्या आठवणी अजून हातात तश्याच निस्तेज पण प्रखर धावतात रक्त जसं प्रवाही होतंय तसं सगळं अजून होतंय काटा नको असताना टोचणाऱ्या फिलिंग्स कश्या आल्हाददायी उठून दिसेल हे सारं दुखणं जेव्हा ओलावा कप्पर होईल सकाळी बघ प्रेम कसं निरपेक्ष असतंय असण्या नसण्याने नसलेली तू जेव्हा नसताना येतेयस तेव्हा मी पण असलो नसलेलो जेव्हा असतोय तुझ्यात तुझ्यातून मग मी गो थ्रू होऊन आडवा इनफ्रंट होत जातोय हे सगळं लिहून येतंय हळुवार जश्या रेघोट्या ओल्या बघ असं ओलावा असतो हे सारं असं आलबेल असतंय.. बाकीआलबेल अजिंक्य रोकडे
Read more

आपण गिनतीतच न्हवतो 🌼

-
Image
हिशेब मांडायचास पोरांना दाखवायसास पावत्या गंडत #डीत गेले हिशोब आता गिनतीत नाहीस गिनती विसरलास आपण न्हवतो प्रेमात न्हवतो नात्यात न्हवतो जातीत न्हवतो जातीत असलो तर वयात न्हवतो आपण न्हवतोच आपण कधीच गिनतीत न्हवतो तसे होतो समसमान पर्याय होतो पण कधी योग्य न्हवतो योग्य असलो तरी भ्रष्ट न्हवतो भ्रष्ट असलो तरी प्रामाणिक पण न्हवतो आपण न्हवतो आपण कधीच गिनतीत न्हवतो आपण पन्नास ते साठ होतो कधी नव्वद तर चुकून न्हवतो चुकून नव्वद असलो तर भ्रष्ट होतो आपण मतमतांतरात मत न्हवतो आपण कधी स्पष्ट न्हवतो स्पष्ट असलो तरी मजबूर न्हवतो मजबूर असून गाफिल न्हवतो आपण कधीच गिनतीत न्हवतो आपण खून दरोडे न्हवतो आपण सुजाण वगरे पण न्हवतो पण न्याय सांगतील तो पण न्हवतो आग क्रांती वगरे पण न्हवतो आपण  न्यायनिवाडा न्हवतो आपण न्हवतो आपण गिनतीत पण न्हवतो आपण सुखी कधीकधी न्हवतो आपण दुःखी नेहेमी न्हवतो आपण गंगा आकाश क्वचित न्हवतो सारासार विवेक चुकून न्हवतो गंडत गेलो पण बरोबर न्हवतो आपण न्हवतो आपण कधीच गिनतीत न्हवतो अजिंक्य रोकडे #बाकीआलबेल 
Read more