उरलो कथेत , कवितेत

आठवतंय का

तुला ओळख करून दिली

नुसरत सोबत

तू रिलेट होत होत

मग मी दूर गेलो

आठवतंय का

ओळख करून दिली 

फैज सोबत

तू आणि मी 

हम देखेंगे

पाहत होतो

आठवतंय का

गुलजार ऐकला 

हेडफोन एक

ए जिंदगी गले लगाले 

आपण हातच दिले हातात

आठवतंय का 

तेहजिब बोलला 

उसी जगह पर जहाँ कई रास्ते मिलेंगे 

पलट के आए तो सबसे पहले तुझे मिलेंगे

आता नाही आठवणार तुला

आठवतंय का

आपण भेटलो जॉनला

जॉन बोलला 

वक्त बुरा था आप तो अच्छे रहते

नसेल आठवत

कारण तो जॉन होता

सगळं आता नसेल आठवत

तेहजिब आणि जॉन

लोकं ऐकत नाहीत

नाही आठवणार

बघ आठवतंय का 

मी सगळं

ऐकवलं 

दाखवलं

सुनावलं 

तू आणि मी

कथेत कवितेत उरलो

ते माझ्यासोबत आहेत

अजिंक्य रोकडे