प्ल्यूटो🌼

murphy's law तसा घाणेरडा प्रकार, वैज्ञानिकदृष्ट्या तो काही सिद्ध वगरे झालेला नाहीय पण तो काम करतो खतरनाक, तसं काही गोष्टी सिद्ध व्हाव्याच लागतात असं देखील काही नाही, काही गोष्टी दाबून ठेवाव्या लागतात अंतरमनात, असे जड शब्द लेख तरी भारी बनवतात नशीब कोवळ्या वयात काही पुस्तकं अशी वाचून ठेवली आहेत, त्या शिवाय भूमिकेला भक्कमपणा येत नाही, लोकांना आपण दूरचे वाटू लागतो जेव्हा सगळं तरल दिसू लागतं मग कोणत्या अपेक्षित गोष्टी न का होईना सगळं ठीकच आहे हा अट्टाहास हवा वाटतो, ह्या साऱ्या कोलाहलात आपण आपले विचार आपल्यासोबत होणाऱ्या घटना सगळ्या चिंधी म्हणून जग पाहत असेल तेव्हाच आपण घडत असलेल्या पेक्षा वाईट चिंतून बुध्दासारखे हसत असतो किंवा हळहळत असतो, एकादी गोष्ट वाईट होतच गेली तर ती वाईटच होते असं काही ऐकून पाहून वाचून अजून वाईट होण्याची शाश्वती मिळते त्यावेळेला मोटिवेशन म्हणून राशीभविष्य वाचताना लाभ होईल वाचून अजून हळहळ होते, लाभ होतात ते कोणत्या बाबतीत किती बाबतीत आणि कोणत्या परिप्रेक्षात, कोण काही सहज बोलून जातंय तेव्हा त्याचे शब्द, वागणं लाभामध्ये धरून ठेवायचे असतात का? दिवस चांगल्या घटना अपेक्षित करत असताना आपण हसूच कायम ठेवलं आहे नाही का? सिरीज मुव्ही बऱ्या वाटतात, एका ठिकाणी ऐकलं काही जाम आवडलं, प्ल्यूटो आधी ग्रह होता पण काही दिवसांनी त्याने सूर्याची परिक्रमा करायची कक्षा बदलली, मग कोणत्या तरी रूममध्ये बसून कुणीतरी ठरवलं कि आता प्ल्यूटो ग्रह नाही,प्ल्यूटोला काही फरक पडला नाही प्ल्यूटो अजून आहे आणि त्याला फरक पडत नाही दूर कोसावर बसून त्याला मान्यता देणाऱ्या आकाशगंगेत बसलेल्या लोकांना काय वाटतं कि तो ग्रह आहे कि नाही, म्हणून प्ल्यूटो बनलं पाहिजे, बहुतेक प्ल्यूटोने murphys law फाट्यावर मारला तो विहार करत बसला असेल, जर ग्रह आपल्या जीवनात काही फरक पाडत असतीलच तर प्ल्यूटोची पूजा केलेली कधी पण चांगली, देवच जणु ✨